NANM A NEG MAWON
Kouché si sab-la, ka savouré
On ti van libèté ki ka souflé
An woté ki lenj é ki soulyé
Pas sé enki kon sa an ké bényé…
Sizé si sab-la, ka réfléchi
Sa ki ka fè si-w ka rété maré
Soufwans é doulè, mé ni osi
Sa ki pa fouti aprésyé sa ki la vi
Doubout si sab-la, mwen roupran fos
Paré pou goumé pou péyi an mwen
Menm si sa ké rèd ou sav an ros :
Sé Gwadloup ki fè si jodi mwen sé mwen
Sé Gwadloup tou sèl ki ban mwen nanm an mwen
Sé Gwadloup tou sèl ki ban mwen nanm an mwen !
Nanm a neg mawon
Sé li ka méné mwen
Nanm a neg mawon
Ka chayé mwen pli lwen
Nanm a neg mawon
Ka fè si mwen fyè
Nanm a neg mawon
Pou sipoté doulè
An ka gadé o lwen sa ka pasé
Gawoulé lévé an péyi an mwen
Mi lè a rivé, nou ké gannyé :
Neg mawon po’o mo, sé li ki ka gidé
Pa an nou si on chimen ki ja trasé !
Nanm a neg mawon
Sé li ka méné mwen
Nanm a neg mawon
Ka chayé mwen pli lwen
Nanm a neg mawon
Ka fè si mwen fè
Nanm a neg mawon
Pou sipoté doulè…