ON KREY BIGIN
ASI PARE
Asi paré mwen pa bel anko
Asi paré ou lé kité mwen
Asi paré mwen fè ou kèchoy
Dèpi dé mwa ou ka néglijé mwen
E sepannan mwen toujou travay
Pou mwen té ba-w tou sa ou té lé
Mé jodi ou sé on gwo musyeu
Ou ka kité mwen pou on kannay
Alé musyeu
Sa ou fè-a pa kay poté-w bonheur
Alé engra
Ti manmay-la mwen kay swanyé-w ba-w
Alé méchan
loyé kay-la mwen kay péyé-y ba-w.
Mwen sé kréyol, mwen ni kouraj,
Mwen lé vwè-w isi a Fowdefwans.
Alé musyeu
Sa ou fè-a pa kay poté-w bonheur
Alé engra
Ti manmay-la mwen kay swanyé-w ba-w
Alé bouwo
loyé kay-la mwen kay péyé-y ba-w.
Mwen sé kréyol, mwen ni kouraj,
Mwen lé vwè-w isi a Fowdefwans !
BONE AN MWEN PATI
Ti doudou an mwen pati
San regrè i lésé mwen
E sa mwen ka risanti
Sé on gran doulè pou mwen
Sété on doudou si dou
I té telman karésan
I fè mwen konnet lanmou
Bel pawol bel sewman
Poutan pa ti ni byen lontan, mwen té adan bra-li
I té ka di mwen tou dousman i enmé mwen pou la vi
Aprézan mwen sav i byen lwen é mwen pé pa konprann
Poukisa i abandoné mwen Non mwen pé pa konprann
Ti doudou an mwen pati
San regrè i lésé mwen
Poutan i té telman janti
Lè i té ka ri ban mwen
RORO MAROTTE
Mézanmi mi Roro
Ti bonlonm manzè Fifi-a
Ka vann nouga pistach
Douvan la pot sinéma-a
Pistach-la pa ka vann
Fanm la genyen dé jou travay
Malérèz-la trimé
Voyé misyé aprann lékol
Bel tissu dernier cri
Roro pa té manké ayen
Lékol-la ka maché
Roro primyé tout moun kontan
Nen Fifi gwosè sa
La tè pa ka poté-y anko
Roro di sé doktè i lé fè
I ka sonjé papa Roro
Isenbot-la kité-y
Dèpi Roro toupiti
Rivé pou pran bacho
Tout’ krab-la mo dan barik-la
Mon bonhomme déklaré
« la société ne me plaît pas »
Fifi pa ka komprann ayen
Sé mal yo fè ti bonlonm-a
Alé chèché séansyé-a
Kout kat-la pa ba-y ayen
Roro viré bo pou bo
NI TELMAN LONTAN
Ni telman lontan
Ti doudou mwen ka véyé-w
E sé pa jodi
Ki mwen pasé nuit blanch Fok ou konprann mwen
Si jodi mwen ka fosé-w
Bondyé konprann mwen, i egzosé mwen : mi ou dan bra mwen
Si aprézan mwen ka fè-w tibwen mizè
Doudou konprann : i fok ou padoné mwen
Si tout lannuit mwen pa ka kité-w domi
Fok man karésé-w, i fok man gouté-w, i fok man manjé-w ! (x 2)
TI PAUL
Sa ki konnet TiPol
On milatres kréyol
Soti la Matinik
Vini isi Pari
On gwo pwèl ki fè-y sa
E ki méné-y juske la
Moris pa oubliyé-w, chè
Pa dézolé-w pou sa (x 2)
Ay Polo
Polo
Fout sa cho
Sa cho
A pari sé pa menm ki o koloni
Si ou peu pa
Peu pa
Rézisté
Polo
Pran kouryé, ritounen la kay manman-w (x 2)
DOUDOU PA PLERE
Lè nou fè konésans
Ay mwen pa té byen sèten
Si sa té ké diré
Mwen pa té sav ayen
A chak jou ki pasé
Mwen ka aprésyé-w
E mwen ka santi ki pa ni on dot ki pé ranplasé-w
Pou mwen trankilizé-w
Mwen pa bizwen manti
Sé pa la penn kriyé,
Babyé ni rèproché Pani bizwen bel fwaz
Ni serman d’amour
Pou byen fè-w santi lanmou-la ka bouyi adan tjè mwen
Oswè-la doudou
Non i fo pa ou pléré
Mwen pa oubliyé sa fè jodi dizan nou mayé
Si janmen on jou
Mwen fè on ti bétiz
Ou pa bizwen pè doudou,
Ay doudou, pa pléré. (x 3)